Сергей Меняйло республикæйы цæрджытæн ракодта арфæйы ныхæстæ сывæллæтты хъахъхъæныны боны фæдыл

Абон æгас дунейы бæрæг кæнынц сывæллæтты хъахъхъæныны бон. Бæрæгбоны фæдыл республикæйы цæрджытæн арфæйы ныхæстæ ракодта республикæйы сæргълæууæджы хæстæ рæстæгмæ æххæстгæнæг Сергей Меняйло. Куыд фæнысан кодта, афтæмæй сывæллæттæ сты царды æппæты зынаргъдæр хæзна. Нæ республикæйы сæ райрæзтæн аразынц ног рæвдуæндæттæ, скъолатæ, ахуыргæнæндæттæ, дзæбæхгæнæн æмæ спортивон фæзтæ, стӕй æндæр ахуырадон центртæ. Уый тыххæй цæттæ кæнынц фæлтæрдджын тренерты, ахуыргæнджыты, дохтырты, хъомылгæнджыты æмæ æндæр специалисты. Цæгат Ирыстоны æххæст кæнынц тематикон мадзæлтты егъау комплекс. Регионы разамонæг фæнысан кодта, зӕгъгӕ, сæйрагдæр хæс у, цæмæй схъомыл кæнæм дæнцæгæн хæссинаг фæлтæр, йæ фыдæлты истори чи зона æмæ сын кад чи кæна, ахæмты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv