Цæгат Ирыстоны паддзахадон университеты скуыста ног проект "Директорские среды"

Цæгат Ирыстоны паддзахадон университеты магистерон программæ "Ахуырадон организацийы разамонæг"-ы фæлгæты скусын кодтой ног проект "Директорты æртыццæгтæ", зæгъгæ. Йæ сæйраг хæс у студентты сæ дæсныйадмæ æмхиц кæнын. Теори æмæ практикæ баиу кæныны руаджы сæ бон æнцондæрæй куыст ссарын уыдзæн, цы къабаз равзæрстой, уым. Афтæ зæгъынц педагогтæ. Алы æртыццæджы дæр магистртæн университеты аразынц сæрмагонд лекцитæ, семинартæ æмæ цымыдисаг фембæлдтæ ахуырадон уагдæтты директортæ æмæ педагогтимæ.