Дæрддзæф хæххон хъæутæм хæстæгдæр бонты цæуын райдайдзæн æхсæнадон транспорт

Цæгат Ирыстоны дæрддзæф хæххон хъæутæм хæстæгдæр бонты цæуын райдайдзæн æхсæнадон транспорт. Уый тыххæй фехъусын кодтой республикæйы промышленность æмæ транспорты министрадæй. Æвзæр эпидемиологон уавæр кæй сæвзæрд, уымæ гæсгæ æхсæнадон транспорты куыст рæстæгмæ баурæдтой. Ныр уавæр хуыздæры `рдæм ивы æмæ иннæ къуырийы райдианæй дæрддзæф хæххон хъæутæм æхсæнадон транспорты куыст сног кæндзысты. Уыимæ ныридæгæн профилон министрад расидт конкурс, уыцы маршуттыл чи кусдзæн, уыцы компанитæ сбæлвырд кæныны фæдыл. Бафтаудзыстæм ма уый, æмæ 1-æм июлæй кусын райдыдтой, адæмæн ахсджиаг чи у, 46 ахæм алыхуызон маршруты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv