Цæгат Ирыстоны дыккаг бон дæттынц иумæйаг паддзахадон фæлварæн уырыссаг æвзагæй

Цæгат Ирыстоны дыккаг бон дæттынц иумæйаг паддзахадон фæлварæн уырыссаг æвзагæй. Сæ зонындзинæдтæ сбæрæг кæнынмæ курдиæттæ балæвæрдтой 1 092 адæймаджы. Иумæйаг паддзахадон фæлварæн уырыссаг æвзагæй хауы, æнæмæнг дæттын кæй хъæуы, уыцы фæлварæнты хыгъдмæ. Рауагъдонтæ фæлварæн кæм дæттынц, уыцы бæстыхæйттæ ифтонг сты видеоцæстдарды системæтæй. Фæлварæн куыд цæуы, уымæ сæ хъус дарынц æхсæнадон цæстдарджытæ. Санитарон-эпидемиологон уавæр дæр йæхи ивддзинæдтæ бахаста. Æдасдзинады домæнтæ хынцгæйæ, фæлварæн дæттынц дыууæ боны. Республикæйы фæлварæн раттынæн ис 10 пункты, хæслæвæрдтæ сæххæст кæнынмæ та дæттынц æртæ сахаты æмæ `рдæг. Цæмæй аттестат райсай, уый тыххæй фæлварæнæй райсын хъæуы æппынкъаддæр 24 баллы. Уæлдæр ахуыргæнæндонмæ бацæуыны тыххæй та 36 баллы. 23-æм июлмæ куыстытæн аргъ скæндзысты. Фæлварæн дæтдзысты 3 -æй 25-æм июлмæ, уæлæмхасæн рæстæг уыдзæн 3-æй 8-æм августы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv