Дзæуджыхъæуы администрацийы сæргълæууæгæй снысан кодтой Милдзыхты Вячеславы

Дзæуджыхъæуы администрацийы сæргълæууæгæй снысан кодтой Милдзыхты Вячеславы. Равзæрстой йæ горæты минæвæртты æмбырды рæстæг. Конкурсон къамисы уæнгтæй йæ кандидатурæйы фарс рахæцыд 26 депутаты. Милдзыхты Вячеслав бирæ азты фæкуыста бæрнон бынæтты. Разамынд лæвæрдта энергетикон къабазы архайдæн дæр. Ног разамонæг æмбырды фæнысан кодта, фыццаджыдæр йе ргом цæмæ аздахдзæн, уый. Дзæуджыхъæуы минæвæртты æмбырды ма дзырдтой ноггуырдты нымæц къаддæр кæй кæны, ууыл. Горæты администрацийы экономикæйы управленийы разамонæг Битарты Лаверы бæрæггæнæнтæм гæсгæ 2020 азы ноггуырдты нымæц 2019 азимæ абаргæйæ 4,4% фæкъаддæр. Æдæппæтæй та Дзæуджыхъæуы цæры 320 мин адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv