Фыдыбæстæйы Стыр хæстмæ цы курсанттæ ацыд, уыдоны номыл Дзæуджыхъæуы байгом кодтой мемориалон фæйнæг

Кировы номыл æфсæддон училищæйæ Фыдыбæстæйы Стыр хæстмæ цы курсанттæ ацыд, уыдоны номыл Дзæуджыхъæуы байгом кодтой мемориалон фæйнæг. Училищæйы хъайтарты нæмттæ сæнусон кæныны уынаффæ рахастой раджы. 2018 азы, Весенняя уынгæй дарддæр цы æнæном уынг ис, уымæн радтой училищæйæ рацæуæг курсантты ном. Æхсызгон цауы фæдыл раарфæ кодта Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло. Фыдыбæстæйы стыр хæсты уæлахизмæ чи бæллыд, уыцы фæсивæдæй Орджоникидзейы уæлдæр æфсæддон командон Сырхтырысаджын Кировы номыл училищæйæ ацыд 5 мин æрыгон лæппуйы. Уæды рæстæджы фыстой, курсанттæ кæддæриддæр кæй уыдысты æхсарджын æмæ ныфсхаст, иттæг хорз зыдтой æфсæддон куыст. Училищæйы 1938 азæй 2011 азмæ бацæттæ кодтой 3 мин æфсæддоны. Уыдонæй бирæтæ ссисты инæлары цины аккаг. Александр Порядин ахуыр кæнынмæ бацыд 17 аздзыдæй. Куыд зæгъы, афтæмæй йын уæдæй нырмæ Ирыстон сси уæлдай адджын бынат. Æфсæддон училищæйы хъайтарты нæмттæ сæнусон кæныны тæрхон рахастой раджы. Суанг ма 2018 азы Уалдзыгон уынгджы дарддæрдзу цы æнæном уынг ис, уымæн радтой Курсантов-Кировцевты ном. Ацы бынаты мемориалон фæйнæг кадджын уавæры æрцыд гом дæр. Æхсызгон цауы фæдыл раарфæ кодта республикæйы сæргълæууæджы хæстæ рæстæгмæ æххæстгæнæг Серей Меняйло. Мадзалмæ саггаг кодта Уæрæсейы националон гвардийы æфсæддæтты сæйрагкъамандыгæнæг Виктор Стригунов. Мемориалон фæйнæг саразыныл бакуыста Цæгат Ирыстоны адæмон нывгæнæг Ходы Никъала. Арæзт æрцыд училищæйы службæцæуæг æмæ æфсæддонты æхсæнадон организаци «Кировцы»-йы хъæппæрисæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv