Дыууæ сывæллоны Цæгат Ирыстонæй æвæстиатæй арвыстой Мæскуыйы рынчындæттæм

Дыууæ сывæллоны Цæгат Ирыстонæй æвæстиатæй арвыстой Мæскуыйы рынчындæттæм. Уым дохтырты хъæугæ медицинон æххуыс уыдзæн хуыздæр. Нæ республикæйы æнæниздзинад хъахъхъæныны министрадæй куыд хъусын кæнынц, афтæмæй Бурденкойы номыл нейрохирургийæйы центрмæ фæхæццæ кодтой 14-аздзыд сывæллоны. Йæ сæры магъзы дадзинтæ æмæ тугдадзинты физиологон бастдзинæд хæлд у. Мæй æмæ ’рдæг цы сывæллоныл цæуы, уый та арвыстой Бакулевы номыл зæрдæ æмæ дадзинты хирургийæйы центрмæ. Йæ туг куыд æмбæлы, афтæ нæ зилдух кæны, тыхсы зæрдæйы нызæй. Сывæллæтты республикон клиникон рынчындоны дохтыртæ æмæ Мæскуыйы специалисттæ æмгуыст кæнынц, сывæллæтты уавæрмæ лæмбынæг кæсынц. Уæ зæрдыл уын æрлæууын кæндзыстæм, Цæгат Ирыстонæй нæ бæстæйы раззагдæр рынчындæттæм ныридæгæн фæхæццæ кодтой 5 сывæллоны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv