Цæгат Ирыстоны сараздзысты дзæбæхгæнæн комплекстæ, æнæниздзинад хъыгдæрд кæмæн у, ахæм адæмæн

Цæгат Ирыстоны сараздзысты 2 физкультурон-дзæбæхгæнæн комплексы. Арæзтадон куыстытæ райдайдзысты иннæ аз. Центртæй иу уыдзæн, æнæниздзинад хъыгдæрд кæмæн у, ахæм адæмæн. Уый тыххæй Сергей Меняйло фехъусын кодта Уæрæсейы иугонд командæйы тренер футболæй, йе 'нæниздзинад цудыд кæмæн у, уыцы спортсменты ’хсæн, Бæцойты Русланимæ æмæ командæйы капитан Гамаонты Игоримæ фембæлды рæстæг. Гæмаонты Игорь æхсызгонæй фæнысан кодта, ныртæккæ сын æппæт уавæртæ арæзт кæй цæуынц, уый. Æнтыстджынæй архайынц рог атлетикæйæ, фехтованийæ, стъолыл хъазгæ теннисæй, ленк кæныны спортæй. Ныр, се 'нæниздзинад цудыд кæмæн у, уыцы спортсментæн фæзындзæн фадат футболæй хъазынæн дæр. Регионы разамонæг республикæйы физкультурæ æмæ спорты министр Кочиты Сосланæн бабар кодта сæрмагонд программæйы бацархайынæн æппæт хъæугæ гæххæттытæ бацæттæ кæнын æмæ фидæны арæзтадæн зæххы хæйттæ ссарын. Сергей Меняйлойы ныхæстæм гæсгæ, ног физкультурон-дзæбæхгæнæн комплексты уыдзæн æппæт гæнæнтæ хæрзхъæд футболон командæтæ саразынæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv