"Æнгом бинонтæ цард арынц". Октябрьскæйы культурæйы галуаны кадджын уавæры байгом кодтой бинонты афæдз. Мадзалы архайдтой Горæтгæрон районы скъолатæ æмæ культурæйы галуанты курдиатджын фæсивæд. Уазджытæн нæ бавгъау кодтой сæ курдиат, бацæттæ кодтой зарджытæ, кæфтытæ æмæ алыхуызон равдыстытæ. Мадзалмæ фæхуыдтой районы бирæсывæллонджын, кад æмæ радимæ чи цæры, ахæм 10 бинонтæ. Администрацийы разамынд сын радта Кады гæххæттытæ æмæ зæрдылдарæн лæвæрттæ.