Цæгат Кавказы Федералон трассæтæ зымæгмæ цæттæ кæнын райдыдтой

Цæгат Кавказы Федералон трассæтæ зымæгмæ цæттæ кæнын райдыдтой. Æдæппæтæй уыцы куыстытæн Росавтодор рахай кодта техникæйы 456 иуæджы. Æркæсдзысты Стъараполы крайы, Кæсæг-Балхъар, Хъæрæсе-Черкес, Цæцæн, Мæхъæл, Дагестан æмæ Цæгат Ирыстоны фæндæгты æдасдзинад æмæ хæрзхъæддзинадмæ. Зымæгон фæндæгтæм хъæуы уæлдай арæх æмæ хуыздæр зилын. Сыгъдæг сæ кæндзысты ихæй, митæй, хæххон рæтты та зæйтæй. Бæрнон кусджытæ сбæрæг кодтой сæрмагонд техникæйы уавæр. Цæмæй бынатмæ техникæ æвæстиатæй хæццæ кæна, уый тыххæй кусы навигацион-диспетчерон цæстдард. Нырмæ уал профилон кусджытæ 174 -æй бацæттæ кодтой 124 тоннæйы змис цæххимæ. Пайда дзы кæндзысты бырынцъаджы ныхмæ. Уæлдæф æмæ асфальты уæлцъары температурæ барынæн фæндæгтыл фæзынд 76 ног метеостанцæйы. Фæндаггон кусджытæ æрвылбон æмгуыст кæнынц æнæнхъæлæджы цауты министрадимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv