Дзæуджыхъæуы æнæхицау куыйты питомничы фæзынд ног сæрмагонд кусæнгæрзтæ

Дзæуджыхъæуы æнæхицау куыйты питомничы фæзынд ног сæрмагонд кусæнгæрзтæ. Уыдоны 'руаджы ветеринартæ куыйты сыгъдæг кæнынц, цæмæй сын къæбылатæ мауал гуыра. Скæндзысты ма сын хъæугæ прививкæтæ æмæ алы куыдзæн дар ратдзысты хицæн бæрæггæнæнтæ. Афтæмæй сæ суæгъд кæндзысты. Къуыримæ ахæм процедурæ бакæндзысты 10 куыдзæн. Æдæппæтæй та ныртæккæ питомничы ис 148 цæрæгойы. Вольерты уæгъд бынæттæ нæй, уымæ гæсгæ уал ныр æнæхæдзар куыйты ахсыны куыст баурæдтой. Уæ зæрдыл уын æрлæууын кæндзыстæм, æнæхицау куыйты питомник Дзæуджыхъæуы кусы ныр 2 мæйы. Цæрæгойтæ дзы сты зылд æмæ 'фсæст. Питомничы кусджытæн æххуыс кæнынц бархионтæ дæр. Куыйты акæнынц тезгъо кæнынмæ. Сæ цæст дарынц, питомникæй адæм сæхицæн кæй райстой, уыцы цæрæгойты хъысмæтмæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv