Арæзтадон компаниты бындурыл Цæгат Ирыстоны байгом кæндзысты ахуырадон кафедрæтæ

Арæзтадон компаниты бындурыл Цæгат Ирыстоны байгом кæндзысты ахуырадон кафедрæтæ. Уый тыххæй фехъусын кодта республикæйы сæргълæууæг Битарты Вячеслав. Уыцы хъуыддаг бахæс кодта вице-премьер Азымты Иринæ æмæ ахуырад æмæ наукæйы министр Людмила Башаринæйæн. Куыстуæтты материалон-техникон бындурыл æнцайгæйæ, спайда кæнын хъæудзæн æппæт гæнæнтæй дæр. Бæрнон кусджытæ бацæттæ кæндзысты фæндаггон картæ. Уым бæрæггонд уыдзæн, техникумтӕ æмæ училищæты директорты арæзтадон фæзуæттæм кæд цæуын хъæудзæн, уый. Ныртӕккӕ уал арæзтадон компани СТК-59 -имæ бафыстой кафедрæ саразыны бадзырд. Студенттæн дзы фадат уыдзæн практикæ ацæуын æмæ сæ зонындзинæдтæ бынаты сфæлхат кæнын. Уый руаджы æрыгон специалисттæм фæзындзæн хъæугæ фæлтæрддзинад. Æрвылаз регионалон бюджетæй астæуккаг профессионалон ахуырадыл хардзгонд цæуы 700 милуан сомы. Уый хыгъд дурамайджыты подрядчиктæ æрбахонынц сыхаг республикæтæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv