Цæгат Кавказы фæсивæдон форум «Машук» ацы аз ацæудзæн иуæндæсæм хатт

Цæгат Кавказы фæсивæдон форум «Машук» ацы аз ацæудзæн иуæндæсæм хатт. Сараздзысты йæ онлайн хуызы. Форум райдайдзæн 10-æм августы æмæ ахæсдзæн 26-æм августмæ. Архайджытæ цæттæ кæнынц егъау ахуырадон программæ. Æмбæлдзысты кадджын уазджытимæ, араздзысты сфæлдыстадон мадзæлттæ. Проекттæ дæр адæмы рæгъмæ рахæсдзысты онлайн хуызы. Аргъ сын кæндзысты федералон эксперттæ. Архайджыты регистраци кæронмæ æрхæццæ ис. Форумы архайынмæ курдиæттæ балæвæрдтой 323 адæймаджы. Квотæмæ гæсгæ дзы равзардзысты 290. Гранты бæрц ацы аз у 300 мин сомы. Курдиат бадæттæн уыдис 16 номинацимæ гæсгæ. Бæлвырддæр та - бархиондзинад, патриотон хъомылад, курдиатджын фæсивæды хъæппæрис, бинонты хæзнаты хъахъхъæнынад æмæ æндæртæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv