Сывæллæттæ н фиддонтæ нысан кæныны фæткмæ бахастой ивддзинæдтæ
3 азæй 7 азы онг сывæллæттæн паддзахад цы пособитæ фиды, уыцы фæткмæ 1-æм апрелæй фæстæмæ бахастой ивддзинæдтæ. Бæлвырддæр та ныр бæрæг кæнынц æрмæст бинонты æфтиæгтæ нæ, фæлæ ма сæ исбон дæр. Ныхас цæуы хæдзæрттыл, хæдтулгæтыл æмæ зæххы хæйттыл. Уымæй уæлдай фæзынд нулевой доход кæй хонынц, ахæм æууæл. Уымæ гæсгæ бинонтæй кусынхъом чи у, уымæ хъуамæ æнæмæнг æфтиаг цæуа; пенси уа, мызд, кæнæ стипенди. Уый куы нæ уа уæд фиддонтæ райсыны барæй паддзахад, гæнæн ис æмæ суæгъд кæна бинонты. Ног фæтк нæ хауы иунæгæй сывæллоны чи хъомыл кæны, уыцы мадæлтæм. Бирæсывæллонджынты куы райсæм, уæд уым иу ныййарæгæн йæ бон у æмæ ма куса, фæллæ уæддæр паддзахадон фиддонтæ бинонтæ исдзысты. Курдиæттæ чи бадæтты уыдоны хыгъд бæрæг кæнынц электрон хуызы. Курдиат бадæтджыты тыххæй информаци хатгай афойнадыл не `рбацæуы - зæгъынц фæллой æмæ социалон рæзты министрады. Курдиатæн дзуапп хъуамæ радтой 30 боны æмгъуыдмæ. Арвитынц сæ федералон уавæр бæрæг кæнæн центрмæ. Специалистты ныхæстæм гæсгæ ныр системæйы куыст хъуамæ фæрогдæр уа. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv