«Несовершеннолетний нарушитель ПДД», зæгъгæ, профилактикон рейд сарæзтой Æрыдоны районы

«Несовершеннолетний нарушитель ПДД», зæгъгæ, профилактикон рейд сарæзтой Æрыдоны районы. Паддзахадон автоинспекцийы кусджытæ æмæ æнахъом сывæллæтты хъуыддæгты фæдыл хайады специалисттæ æмбарынгæнæн ныхас кодтой Цæгат Кавказы хæххон-технологон колледжы студенттимæ. Рейды архайджыты базонгæ кодтой, æнæ бардæттæг гæххæтæй хæдтулгæ скъæргæйæ шофыры закъонмæ гæсгæ æфхæрдгонд кæй цæуынц, уыимæ. Фæсивæдæй 16 азы кæуыл цæуы, уыдонæн бадыны бар ис æрмæст мопед æмæ мотоциклыл. Уый тыххæй та хъæуы ацæуын ахуыртæ æмæ райсын сæрмагонд гæххæт. Паддзахадон автоинспекцийы кусджытæн ис бар, хæдтулгæйыл æнæ бардæттæг гæххæттæй цы æнахъом сывæллæттæ бадынц, уыдоны бафхæрын административон æгъдауæй. Уый фæдыл барадхъахъхъæнджытæ рейды мадзæлттæ аразынц арæх. Сидынц ныййарджытæм, цæмæй сæ сывæллæттæм къæрцхъуысдæр уой æмæ сæ зыкъоны сæрты хизын ма уадзой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv