Æппæт дунейы бæрæг кæнынц граждайнаг авиацийы кусджыты бон

Абон ма сæ профессионалон бон бæрæг кæнынц граждайнаг авиацийы кусджытæ. Нæ бæстæйы йын аргъ кæнын райдыдтой 9-æм февралы. 1923-æм азы ацы бон уынаффæ рахастой граждайнаг авиацийы совет снысан кæнын. Фæзынд уæлдæфон флот. Уыцы аз ма байгом кодтой маршрут Мæскуыйæ Дæллаг Новгородмæ. Абон уæлдæфон нау бæлцæтты фæхæццæ кæндзæн зæххы къорийы алы ранмæ дæр. Ацы дæсныйады сусæгдзинæдты тыххæй нæ дарддæры æрмæджы. Хæтдæгæг стахт Мæскуыйæ æмæ æрбадт «Дзæуджыхъæу»-ы аэропорты. Цалынмæ бæлцæттæ трапыл хизынц, уæдмæ экипажы уæнгтæ сæхи цæттæ кæнынц ногæй стæхынмæ. Баулæфынмæ сын рæстæг ис æрмæст иу сахат. Уыцы рæстæгмæ ма аэропорты сæрмагонд службæтæ бæрæг кæнынц уæлдæфон науы техникон уавæр. Куыстытæ куыд æххæсгонд цæуынц, уымæ йæ хъус дары Мæскуыйы граждайнаг авиации университеты рауагъдон Æмбалты Батрадз. Хæдтæхæг нырма не 'рбады, афтæмæй æм Батрадз фенхъæлмæ кæсы. Иу сахат рацыд æмæ бæлцæтты ног къорд тæхы фæстæмæ нæ бæстæйы сæйраг горæтмæ. Рейсмæ регистраци кæны авиацион лæггæдты организацийы агент - Бызыккаты Маринæ. Аэропорты кусы 10 азы. Маринæ сабибонтæй нырмæ уарзы ацы куст. Фæндыд æй стюардессæ суæвын. Куыд зæгъы, афтæмæй хæдтæхæг куы сцæйтæхы, уæд æм фæзыны æгæрон сæрибардзинады æнкъарæнтæ. Ам бæлвырдгонд у алы минут дæр. Алы кусæг дæр, уæззæутæ æвгæнæгæй райдай æмæ генералон директорæй фæуы, иууылдæр сæ куыст зонынц бæстонæй. Сты фæлтæрдджын. Ифтонггонд сты хъæугæ кусæнгæрзтæй дæр. Уый руаджы аэропорты куыст æххæстгонд цæуы æнæкъуылымпытæй. Дзæуджыъæуы аэропортæн йæ бон райсын у уæлдæфон науты æппæт хуызтæ дæр. Абон аэропорты бæрæг кæнынц граждайнаг авиации кусджыты бон. Фæлæ абон дæр специалисттæ сæ куыст æххæст кæнынц ныснгонд фæткмæ гæсгæ. Фыццаг бынаты, æнæмæнг, хæдтæхджытæ. Граждайнаг авиацийы кусджыты бон Уæрæсейы бæрæг кæнынц фарæстæм хатт. Бæрæгбон снысан кодтой 1923-æм азы 9 февралы уæлдæфон флоты равзæрды бонмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv