«Дзæуджыхъæу»-ы аэропорты фæзынд ног рейсытæ

Дзæуджыхъæуы аэропортæй атæхæн уыдзæн Ереван, Баку, Каир æмæ Симферопольмæ. Алы маршрутыл дæр абалц кæнæн уыдзæн къуыри иу-хатт. 15 июнæй фæзындзæн бастдзинад Ереван æмæ Симферополимæ. Фыццаг рейс Каирмæ фæнд кæнынц 17 июны арвитын, уæдæ Бакуйы балæууын кæй фæнда, уыдонмæ та æнхъæлмæ кæсынц 20 июны. Раздæр республикæйы сæргълæууæджы хæстæ рæстæгмæ æххæстгæнæг Сергей Меняйло хъуыддагыл бакусын бахæс кодта промышленность æмæ транспорты министрадæн. Уымæй уæлдай Цæгат Ирыстоны цæрджытæн æмæ уазджытæн ма снысан кодтой иу уæлæмхасæн рейс Мæскуымæ. Зæгъдзыстæм ма уый æмæ абонæй фæстæмæ «Дзæуджыхъæу»-ы аэропортæй атæхæн ис фæсарæнтæм дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv