Республикæ йы хицауады уæнгтæ æрдзырдтой уæззау эпидемиологон уавæрмæ цæттæдзинадыл
Коронавирусимæ рынчынты исдзысты Республикон клиникон рынчындоны дыууæ уæладзыгон бæстыхайы. Пациенттæн лæггад кæнынмæ цæттæ сты Архонкæйы рынчындоны дæр. Уый тыххæй аппаратон æмбырды фехъусын кодта æнæниздзинад хъахъхъæныны министры хæстæ рæстæгмæ æххæстгæнæг Тебиаты Сослан. Æмбырд амыдта Сергей Меняйло. Республикон клиникон рынчындоны 7 уæладзыгон корпус кусдзæн фæткмæ гæсгæ. Эпидемиологон уавæр кæд февзæрдæр уа, уæд бынæттæ фæфылдæр кæндзысты. Дзуапдæттæг министр куыд радзырдта, афтæмæй æрвылбон ковид кæмæ рабæрæг вæййы, уыдоны нымæц рæзы. Тебиаты Сослан ма йе 'ргом раздæхта иммунизацийы фарстамæ дæр. Ныридæгæн республикæйы прививкæ скодтой 62 мин цæрæджы. Сергей Меняйло радон хатт бафæдзæхста, цæмæй санитарон домæнтæ æххæстгонд цæуой. Республикæйы разамонæджы ныхæстæм гæсгæ, æрмæст домæнтæ æххæстгæнгæйæ дæр хи бахъахъахъхæнæн ис низæй. Æмбырды архайджытæ ма æрдзырдтой республикæйы оперативон уавæрыл. Республикæйы хицауады сæрдары хæдивæджы хæстæ рæстæгмæ æххæстгæнæг Томайты Ирбег куыд фехъусын кодта, афтæмæй республикæйы тæссаг у тæркъæвдатæй. Субъекты къæвдайы дон æмбырдгæнæнты уавæрæй разыйæ нæ баззад. Сергей Меняйло уыцы фарста аиуварс кæнын бабар кодта Дзæуджыхъæуы администрацийы сæргълæууæг Милдзыхты Вячеславæн. Республикæйы разамонæг ма йе 'ргом аздæхта районы доны уавæрмæ дæр. Йæ хъуыдымæ гæсгæ, цæрджытæ хъуамæ нуазыны донæй цух ма 'ййафой. Рахизфарсы районы доны фарста аиуварс кæнынæн республикæйы бюджетæй рахай кодтой 17 милуан сомы. Уымæй уæлдай ма æмбырды архайджытæ æрдзырдтой æрыгон специалистты цæрæнуæттæй ифтонгады программæйы райрæзтыл. Арæзтад æмæ архитектурæйы министры хæстæ рæстæгмæ æххæстгæнæг Моргуаты Константин куыд радзырдта, афтæмæй 2021 азы сæрмагонд хыгъды ис æдæппæтæй 172 адæймаджы. Ацы аз сертификаттæ райсдзысты 30 æрыгон специалисты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv