Цæгат Ирыстоны парахат кæны полилингвалон системæмæ гæсгæ ахуырад

Мадæлон æвзагыл дзурын æмæ йæ фæлтæрæй-фæлтæрмæ дæттын у полилингвалон ахуырады ахсджиагдæр хæстæй иу. Ног ахуыры аз ма полилингвалон системæмæ гæсгæ ахуыртæ цæудзысты ноджы 12 къласы æмæ 16 къорды. Ахуыртæ фылдæр цæудзысты мадæлон æвзагыл. Ацы системæмæ гæсгæ нæ республикæйы кусын райдыдтой 2017 азы. Мадæлон æвзагыл уарзон æмдзæвгæтæ æмæ рæсугъд зарджытæ. Хъæдгæроны рæвдауæуæндоны хъомылгæнинæгтæ сæ ног æнтыстытæ ныййарджытæн равдисынмæ цингæнгæйæ æнхъæлмæ кæсынц. Ныр афæдзæй фылдæр хъомылгæнджытæ сывæллæттимæ кусынц полилингвалон сæрмагонд системæмæ гæсгæ арæзт чингуытимæ. Ахуыргæнджытæ куыд зæгъынц, афтæмæй уый сывæллæттæн æххуыс кæны сæ гыццылæй фæстæмæ æнцонтæй дзурын æмæ фыссын ирон æвзагыл. Уыцы хъуыдыимæ разы сты хъомылгæнджытæ дæр. Ис дзы фыццаг æнтыстытæ дæр. Уæлдай æхсызгон та уый у, æмæ сабитæ зæрдæргъæвдæй сæхи цæттæ кæнынц алы бонмæ дæр. Рæвдауæндæтты сæ хъус фылдæр дарынц æмдзæвгæтæ æмæ зарджытæ ахуыр кæнынмæ, уыимæ ма хуымæтæг хъуыдыйæдтæ аразынмæ. Уый бындурыл скъолаты полилингвалон системæмæ гæсгæ ахуырады рахизынц ног къæпхæнмæ. Скъоладзаутимæ ахуыр кæнынц аивадон литературæ æмæ Фыдыбæстæйы истори. Уæлдай тынгдæр та се ’ргом здахынц рæзгæ фæлтæры æгъдау æмæ хæрзвæтк хъомыладмæ. Калоты Дзерассæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv