Æппæтуæрæс еон адæмон фронты уæнгтæ бабæрæг кодтой сывæллæтты лагерты цæттæдзинад
Цавæр уавæрты улæфынц сывæллæттæ сæрдыгон лагерты? Куыд цæттæ сты уагдæттæ сабиты суазæг кæнынмæ? Ацы фарстатæ сбæлвырд кодтой Æппæтадæмон фронты активисттæ. Уыдысты цалдæр фæлладуадзæн центры - Тæмискъ æмæ «Звездочка»-йы. Федтой уавæртæ, фыццаджыдæр та, санитарон домæнтæ куыд æххæтгонд цæуынц, уый. Сывæллæтты дзæбæхгæнæн кампани ныридæгæн бацыд йæ тæккæ тæмæны. Рагæй йæм æнхъæлмæ кастысты æрмæст сабитæ æмæ сæ ныййарджытæ нæ, фæлæ ма лагерты кусджытæ дæр. Сæхи цæттæ кодтой бæстон æмæ лæмбынæг. Лагер «Звёздочка»-йы цæуы профилактикон мадзал. Æнæнхъæлæджы уавæрты министрады кусджытæ фæсивæдæн радзырдтой зынгсирвæстытæ ма ’руадзыны домæнты тыххæй. Ацы аз «Звёздочка» суазæг кæндзæн 4 къорды. Алы къорд дæр — фæйнæ æстддæс улæфæн боны. Фæсивæдæн ма сæ бон у уæгъд рæстæг æрвитын сæрмагонд хъазæн фæзты. Лагеры ис спортивон бынат, стæй метр æмæ ’рдæджы арфæн бассейн. Фынæй кæм кæнынц, уыцы агъуыстыты ис фæйнæ фондз сынтæджы. Уыдонæй æрмæст цыппар сынтæджы ис бацахсæн. Ахæм хуызы лагеры æххæст кæнынц фæлхасгæнджытæм цæстдарды управленийы нысангонд санитарон домæнтæ. Ис нæм уаты æнæмæнг хъæугæ дзауматæ, рудзгуытыл бындзыты ныхмæ хызæгтæ. Æппæтуæрæсеуон адæмон фронты уæнгты кусджытæ æркастысты æппæт санитарон уавæртæм. Бахъуаджы рæстæг нæ бон у медицинон æххуыс дæр бакæнын. Дохтыры кабинет æххæст у хъæугæ ифтонггарзæй æмæ хостæй. Дезинфекци, маскæтæ æмæ æрмкъухтæ. Æнæ ацы фæтк æххæстгæнгæйæ реабелитацион центр «Тамиск» у æхгæд. Ацы аз дзы баулæфдзысты 700 сывæллоны бæрц. Тæмисчъы ис æппæт уавæртæ дæр сывæллæтты спортивон райрæзтæн. Фæархайынц куыд сыгъдæг уæлдæфæй улæфгæйæ, афтæ агъуысты дæр. Ног цалцæггонд дзæбæхгæнæн корпусы ис нырыккон тренажертæ, массаж æмæ ингаляторты кабинеттæ. Иу ныхасæй, алыхуызон низтимæ сывæллæттæн ам сæ бон у æххæстæй ацæуын реабелитаци. Æмткæй райсгæйæ, лагер «Звёдочка» æмæ центр «Тамиск»-ы сывæллæтты фæлладуадзæн рæстæг цæуы æнæ фæткхæлдтæй. Æххæстгонд цæуынц æппæт санитарон домæнтæ дæр. Сывæллæттæ боны дæргъы бахæрынц 5 хатты. Меню ивд цæуы æрвылбон. Фæлæ уæддæр разындысты фиппаинæгтæ. Цæмæй сывæллæтты улæфт æдас уа, уый тыххæй æппæт фиппаинæгтæ æмæ хъæндзинæдтыл бакусдзыты лагеры разамонджытæ. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv