Сергей Меняйло арахайдта чысыл æмæ рæстæмбис амалхъомадæн æххуысы фæдыл æмбырды

Цæгат Ирыстоны чысыл æмæ рæстæмбис амалхъомады чи архайы, уыдоны нымæц 18% фæфылдæр. Уый тыххæй фехъусын кодта Уæрæсейы хицауады фыццаг хæдивæг Андрей Белоусов. Видеобастдзинады фæрцы арæзт æмбырды архайдта нæ регионы разамонæг дæр. Вице-премьеры ныхæстæм гæсгæ, нæ республикæйæн уый у хорз бæрæггæнæн. «Проекты рæзтæн фарон рахай кодтой 36 милуан сомы», - фæнысан кодта Сергей Меняйло. Æхцайы фæрæзтæ лæвæрд цæуынц амалхъомадæн æххуысы фондæй. Йæ бындурыл кусы Центр «Мой бизнес» дæр. Хыгъды фыст æрцыдысты, хи куыст чи кæны, 549 ахæм адæймаджы. Социалон контрактмæ гæсгæ, æмткæй райсгæйæ, бакуыстой 1 500 бизнес-планыл. Æххуыс кæнынц амалхъом адæмæн районты дæр. Уымæй уæлдай æххæстгонд цæуы хицæн программæ. Уый руаджы фылдæр æрыгон адæм сæхи ссарынц амалхъомады къабазы. Программæйæн æхцайы фæрæзтæ рахай кодтой республикæйы бюджетæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv