Дзæуджыхъæуы 18 æм микрорайоны байгом скъола

Дзæуджыхъæуы 18-æм микрорайоны байгом скъола. Ног ахуыргæнæдон «Эрудит»-ы ис 550 бынаты. Ацы ахуыры аз ног скъолайы къæсæрæй бахызтысты 221 сывæллоны. Уыдон сты райдиан кълæсты ахуырдзаутæ. Скъолайы ис æппæт уавæртæ дæр, цæмæй сывæллæттæ сæхи раргом кæной. Уæрæх æмæ райдзаст кълæстæ, чиныгдон, хæрæндон, спортивон зал, уыимæ ма шахматтæй хъазынæн уат. Кадджын мадзалы фæдыл ахуыргæнджытæ æмæ скъоладзаутæн арфæ ракодта республикæйы сæргълæууæг Битарты Вячеслав. Куыд бафиппайдта, афтæмæй сабитæ сты нæ фидæн. Хистæртæ хъуамæ æппæт уавртæ дæр саразой, цæмæй кæстæртæ сæ зонындзинæдтæ фылдæр кæной. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv