Сергей Меняйло бабæрæг кодта центр «Баспик»

Сергей Меняйло бабæрæг кодта центр «Баспик». Куыстуат аразы, æмбал кæмæн нæй, микроэлектроникæйы ахæм кусæнгæрзтæ, уыимæ аразы оптикон æвгтæ. Пайда сæ кæнынц æфсæддон къабазы. Республикæйы разамонæджы ныхæстæм гæсгæ, «Баспик» æмгуыст кæны стыр компанитимæ. Сæ продукци ласынц Китай, Америкæ, Инди æмæ Германимæ. Баспик у дунейы 5 центртæй иу, космосон æмæ ядерон промышленностæн микроканалон пластинæтæ чи аразы, ахæм куыстуат. Сергей Меняйло фæбæрæг кодта куыстуаты технологиты хæрзхъæддздинад æмæ йе стыр хъомыс. Йæ бындурыл уадзæн ис граждайнаг продукци дæр. Æрыгон ахуыргæндтимæ Сергей Меняйло йе ’ргом аздæхта промышленнон комплексы рæзтмæ æмæ экспорты нымæц фæфылдæр кæнынæн цавæр фæрæзтæй спайда гæнæн ис, уымæ. Æмбырды архайджытæ ма дзырдтой наукон-техникон институтты рауагъдонтæн куыст ссараны фарстатыл. Сæрмагондæй сын цавæр æххуыс бакæнæн ис, ууыл. Кондады рæзты программæйыл бакусын Сергей Меняйло бабар кодта дзуапдæттæг специалисттæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv