Уӕрӕсейы ӕппӕт регионты 3 æм ноябры ацӕудзӕн «Стыр этнографион диктант»

Уӕрӕсейы ӕппӕт регионты 3-æм ноябры ацӕудзӕн «Стыр этнографион диктант». Цæгат Ирыстоны ацæудзæн 5-æм хатт. Фысдзысты йæ, сæйрагдæр, онлайн-хуызы. Диктант сӕрмагондӕй конд цӕуы Адӕмон иудзинады бӕрӕгбонмӕ. Диктант ныффыссыны бар ис алкӕмæн дæр. Уыимӕ, йӕ сӕйраг нысан - ӕппӕт адӕмыхӕттытты ʾхсӕн иудзинад парахат кӕнын. Фыццаг хатт фæлварæн сарæзтой 2016 азы. Уӕдӕй фӕстӕмӕ йӕ фыссынц æрвылаз. Сæ зонындзинæдтæ дзы равдисынц Уæрæсейы 85 регионы минæвæрттæ, суанг ма фæсарæнты дæр. Диктанты уыдзæн 30 хæслæвæрды. Уыдонæй 10 фарсты сты, фæлварæн цы субъекты цæуы, уыцы регионимæ баст. Диктант ныффыссынæн лæвæрд цæуы 45 минуты. Æппæты фылдæр балл хæццæ кæны сæдæйы онгмӕ. Оффлайн хуызы фæлварæн дæтдзысты æрмæст Цæллагты мæсыджы комплексы. Эпидемиологон уавæр хынцгæйæ, 15 адæймагæй фылдæр нæ сæмбырд уыдзæн комплексы. Чи 'рбацæуа, уыдоны та æххæст кæнын хъæудзæн сæрмагонд санитарон домæнтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv