«Дарьял» ы полигоны Хуссар æфсæддон зылды сгарæн дæлхайæдтæн сарæзтой æфсæддон тактикон ахуыртæ

Хуссар æфсæддон зылды райдыдтой 58-æм æфсады ахуыртæ. Сæрмагондæй арæзт сты фистæгдзæуæн-сгарæн æфсæддонтæн. Ахуыртæ сарæзтой дæлхайæдты цæттæдзинад фæхуыздæр кæныны тыххæй. Фæлварынц сæхи æмбæхст ранæй, кæй уынынц æмæ чи нæ зыны, уыцы мысантæ къуырынæй. Уымæй уæлдай ма хъуамæ фæцалх уой ныхæй-ныхмæ ныббырсты арæхстдзинæдтыл хæххон уавæрты. Денджызы сæрмæ 3 мин метры бæрзæнд. Хъуысынц хæцæнгарзы æхстытæ. Дарьялы полигоны цæуынц Хуссар Хфсæддон зылды ахуыртæ. Фистæгдзæуæн-сгарæн дæлхайадтæ хуыздæр кæнынц сæ тактикон цæттæдзинад. Акъуырын сæ хъæуы мидбынаты лæууæг мысантæ. Уый фæстæ сæ хæслæвæрд фæзындæр – мидбынаты лæууӕг мысантæ æркъуырын. Фыццаг къæпхæны фæстæ сæ размæ æвæрд ис æндæр домӕнтӕ. Сæрмагондæй уæззӕуттæ хиуыл ласын. Уæлдæфон-десантон цæттæдзинадмæ здӕхт цæуы уæлдай æргом. Фыццаджыдæр, парашютимæ гæппытæм. Гæпп кæнынц 600-йæ 2 мин метры онг бæрзæндæй. Ахуырты ногдзинад - æфсæддон квадрациклтæ. Сгарæн хайæдтæ сæ пайда кæнын райдыдтой ацы аз. Цæуынц дзы хъæды æмæ хæххон фæндæгтыл. Ахуырты æдæппæтæй уыд 6 квадрациклы. Ахсджиаг у химбæхсæн мадзæлттыл бакусын дæр. Службæгæнджытæ квадрацикл хъуамæ бамбæхсой цъæхфæлысты бын. Дарддæр хæххон уавæрты цæттæдзинад сбæрæг кæнын. Æмгуыст кæнгæйæ, сгарджыты хъæуы хохы фахсмæ схизын. Радон ахуырты æдæппæтæй бацархайдтой 400 æфсæддоны æртæ дæлхайадæй. Ахуырты фæстаг мадзал знаджы ныхмæ бадæнтæ. Сгарджытæ бамбæхсынц къудзиты. Афойнадыл срæмудзынц ныхмæлæууæджы хæдтулгæтæ æмæ сæ æхсын райдайынц. Машинæтæ хъæуы уацары райсын. Архайын хъæуы цæстыфæныкъуылдмæ, афтæмæй сæ фæлтæрддзинад уæлдæр кæны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv