Цæгат Ирыстоны дарддæр цæуы коронавирусы ныхмæ вакцинаци

Æнæниздзинад фæхъæддыхдæр кæнын, уыимæ иннæты низæй бахъахъхъæнын. Уый у вакцинацийы сæйраг нысан. Цæгат Ирыстоны медицинон колледжы радон хатт ацыдысты вакцинациимæ баст мадзæлттæ. Зæрдыл ма лæууынц, æрæджы æгас дуне æддæг-мидæг цы хæцгæ низ ауайын кодта, уый фæстиуджытæ. Цæгат Ирыстоны дарддæр цæуы куыст вакцинæйы хай скæнын кæй фæнды, уыдонимæ. Абон дæр та Цæгат Ирыстоны медицинон колледжы ацыдысты вакцинацийы мадзæлттæ. Иу иннæйы ивгæйæ, радыгай прививкæ скæнынмæ цыдысты колледжы кусджытæ, студенттæ, районы цæрджытæ. Медицинон колледжы ахæм хуызы мадзæлттæ ныр 12-æймаг хатт цæуынц. Сæхи нымадмæ гæсгæ, æмткæй райсгæйæ, ацы гæнæнæй 180 адæймагæй фылдæр спайда кодтой. Привикæйы размæ уал, дохтыртæн æххуыс чи фæуыдзæн, ахæм æмбæлгæ информаци фæбæрæг кодтой сæрмагонд анкетæйы. Уый фæстæ, 1-æм Поликлиникæйы бынæттон терапевт Абайты Зæлинæйы амындтæм гæсгæ, адæймагæн йе`нæниздзинады бæрæггæнæнтæ зæрдæхсаинаг кæд нæ уыдысты, уæд æххæст кодтой вакцинаци дарддæр. Адæмæй абон ам къахбавæрæн дæр нæй. Тынг разæнгардæй цæуынц прививкæ кæнынмæ. Иуты низы тых йæхиуыл ногæй бавзарын кæй нæ фæнды, уый тыххæй, иннæтæ сæ кармæ гæсгæ, аннæты фæнды сæ æнæниздзинад хъæддыхдæр, фæразондæр скæнын. Уый тыххæй та, æнæмæнг, хъæуы прививкæ скæнын. Низы ныхмæ вакцинæ скæнынмæ æрбацæуæг адæмæн нæ республикæйы цы мадзæлттæ цæуынц, уыдонæй разы сты. Сæхæдæг куыд зæгъынц, афтæмæй, хъуыддаг раст фæндагыл æвæрд у. Зæрдæ дарынц, ацы вакцинæ алкæмæн дæр æвдадзы хос кæй фæуыдзæн. Уæ зæрдыл ма уын æй лæууын кæнын. Вакцинæйы скæныны размæ уал хъæуы терапевты бабæрæг кæнын. Уый хъуамæ сбæлвырд кæна, адæймагæн йе`нæниздзинады бæрæггæнæнтæ зæрдæхсаинаг сты, æви нæ, уый. Уый фæстæ хъуамæ бар ратта вакцинæйы хай райсынмæ. Курдиат ныффыссыны фадат ма ис Паддзахадон лæггæдты порталы дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv