Республикæйы транспорты министрады специалисттæ рацыдысты рейды

Низ кæд кæд фæсаст, уæддæр санитарон домæнтæ æххæст кæнын хъæуы. Уæрæсейы фæлхасгæнджытæм цæстдарды управленийы специалисттæ æрвылбон сæ хъус дарынц низ ма руадзыны тыххæй мадзæлттæм. Республикæйы æхсæнадон транспорты æнæмæнг дзауматæ - маскæтæ æмæ дизинфекцигæнæн фæрæзтæ. Хæдтулгæйы дуарыл «Маскæ скæн», зæгъгæ, фыст. Маршрутон такситы фылдæр хайы бæлццæтты æдасдзинадмæ 'ргом здахынц. Уый шофыртæ. Фæлæ бæлццæттæ сæхæдæг уавæрмæ арæхдæр куыдфæндыйы цæстæй фæкæсынц. Республикæйы санитарон домæнтæ фæлæмæгъдæры фæстæ сæ æнæниздзинадмæ куыд фæндыйы цæстæй чи кæсы, уыцы адæмы нымæц фæфылдæр. Афтæмæй та низ фæсæтдзæн æрмæст æхсæнадон транспорты æмæ адæм бирæгæйттæй кæм æмбырд кæнынц, уыцы бынæтты санитраон домæнтæ куы æххæстгонд цæуой, уæд. Æрмæст ахæм хуызы ис хи æмæ хиуæтты вирусæй бахъахъхъæнын. Уæрæсейы фæлхасгæнджытæм цæстдарды управленийы кусджытæ куыд зæгъынц, афтæмæй уавæрмæ нырма хъæуы бæстон æргом 'здахын. Вакцинаци хорз æххуыс у низы ныхмæ, фæлæ цæрджыты хай вакцинæ нырма кæй нæ райстой, уый тыххæй коллективон иммунитет дæр нæ равзæрд. Домæнтæ чи нæ æххæст кæна, уыдон цæудзысты иваргонд. Ныртæккæ нæ республикæ Цæгат Кавказы Федералон зылды регионты 'хсæн ахсы фæндзæм бынат рынчынты нымæц кæм къаддæр кæны. Специалисттæ куыд зæгъынц, афтæмæй уый хорз бæрæггæнæн. Ныр хъуыддаг хуыздæры 'рдæм раздахынмæ хъæуы дохтырыты æмæ фæлхасгæнджытæм цæстдарджыты управленийы амынддзинæдтæ æххæст кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv