Цæгат Ирыстоны дарддæр цæуы COVID 19 ныхмæ вакцинаци

18 январæй COVID-ы ныхмæ вакцинаци райдыдта Мæздæджы районы дæр. Привикæйы размæ хъæуы дохтыры æркаст ацæуын. Кæд адæймаджы æнæниздзинады бæрæггæнæнтæ зæрдæхсаинаг не 'сты, уæд ын прививкæ скæныны бар ис. Фыццаг райсынц вакцинæйы иу хай, дыууæ къуырийæ фæстæ та - дыккаг. Уыцы рæстæг дохтыртæ фæкæсынц пациентты æнæнизддзинадмæ. Иу бонмæ Мæздæджы районы прививкæ скæнынц 70 адæймагæн. Абоны онг вакцинæйы фыццаг хай скодтой 1мин 290 адæймагæн. Дыууæ хайы дæр чи ацыд, уыдоны нымæц та ныридæгæн у 737. Вакцинаци у барвæндон хъуыддаг. 18 азы кæуыл сæххæст, уыдонæн сæ бон у прививкæтæ скæнын. Хи ныффыссæн ис Паддзахадон лæггæдты порталы руаджы, колл-центрмæ бадзургæйæ, кæнæ бынæттон поликлиникæйы регистратурæйы. Уый фæстæ адæймаг райсы талон, привикæйы скæныны бон æмæ рæстæгимæ. Вæййы дзы фыст дохтыты ном дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv