Беслæны байгом сывæллæтты кинонывы скъола «Аlaniawood»

Сценикон змæлд, аив дзырды уроктæ æмæ æндæр цымыдисаг ахуыртæ. Беслæны сывæллæтты техникон сфæлдыстады центры бындурыл байгом кинонывы скъола «Alaniawood»-ы филиал. Цæмæ равзæрстой филиалы бынатæн Беслæны горæт æмæ цæуыл ахуыр кæндзысты сфæлдыстадон æрмадзы сывæллæтты, уый базыдтой нæ уацхæсджытæ.  Беслæны сывæллæтты техникон сфæлдыстады центры бындурыл байгом фыццаг филиал. Сывæллæтты киноскъола «Alaniawood»-ы педагогтæ ахуыр кæныдзысты фæсивæды. Курсытæ чи цæуы, уыдонæн сæ фылдæр хъæддыхæй зонынц, фидæны актертæ кæй суыдзысты, уый. Ам базондзысты ныхасы хъæд раст æвæрын æмæ сценæйыл архайыныл. Цæгат Кавказы ахæм киноскъола у иунæг. Ахуыр дзы кæндзысты 40 сывæллоны, 5 азæй 17 азы онг кæуыл цæуы, ахæмтæ. Адих сæ кодтой 3 къордыл. Сабитæн фыццаг бон сарæзтой дæсныйад æвдисæг ахуыртæ. Сæрмагонд программæйыл нымад у авторон кинонывтæм æркаст. Ахæм хуызы æрыгон актертæ ахуыр кæндзысты кинонывыл лæмбынæгдæр хъуыды кæнын. Алы сывæллон дæр у æгæрон курдиты хицау. Скъолайы æвдисдзысты сæ арæхстдзинад. Филиал байгом кæнынæн стыр æххуыс бакодта парти «Иугонд Уæрæсе»-йы регионалон хайад. Йæ уæнгтæ куыд зæгъынц, афтæмæй ахæм проект сывæллæтты рæзтæн стыр ахъаз у. Сабитæ ахуыр кæндзысты къуыри æртæ хатты. Сывæллæттæ сценæмæ куы рахизынц, уæд сæм фæзыны æгæрон тых. Уым сæ хъару æмæ тыхтæ æрымбырдгæнгæйæ сæ курдиат раргом кæнынц. Уыимæ ма сын ахуыргæнджытæ дæр сæ фæлтæрддзинад не ’вгъау кæнынц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv