Техникон сфæлдыстады республикон центры хъомылгæнинæгтæ æнтыстджынæй сæхи равдыстой радон ерысты

Техникон сфæлдыстады сывæллæтты республикон центр Дзæуджыхъæуы кусы 70 азмæ 'ввахс. Ис дзы алыхуызон цымыдисаг секцитæ. Сæ иу - судомоделировани. Центры зæрдæргъæвдæй архайынц 80 адæймаджы. Хæрз æрæджы æнтыстджынæй бацархайдтой ерысты Стъараполы крайы. Сывæллæттæ сæхи къухæй æмбырд кæнынц алыхуызон науты макеттæ; дæлдондзу наутæй райдай æмæ суанг радиойы фæрцы коммæгæс яхтæтæй фæуы. Æнæзивæг æмæ куыстуарзаг ахуырдзаутæ алы лыстæгдзинадмæ дæр стыр æргом здахынц. Алы лыстæг хай дæр хъуамæ уа оригиналы æнгæс. Уый тыххæй хъомылгæнинæгтæ лæмбынæгæй ахуыр кæнынц чертежтæ, уыимæ хъусынц ахуыргæнæджы амынддзинæдтæм. Алкæмæн дæр сæ ис йæхи зæрдæмæдзæугæ модель. Техникон сфæлдыстады сывæллæтты республикон центр кусы 50-æм азтæй. Архайынц цалдæр къабазмæ гæсгæ. Науты моделированийы дзы æнувыд сты 80 адæймаджы. Æппæты кæстæрыл цæуы 7 азы. Секцийы хъомылгæнинæгтæ æнтыстджынæй сæхи февдисынц алыхуызон чемпионатты. Æрæджы уыдысты Стъараполы крайы ерысты судомоделизмæй. Равæрдтой науты 7 моделы. Хæдзармæ сыздæхтысты хæрзиуджытимæ æмæ кады гæххæттытимæ. Лæппутæ æмæ чызджытæ ныр цæттæ кæнынц ног ерыстæм. Уый уыдзысты республикон ерыстæ радиокоммæгæс яхтæтимæ. Чемпионат ацæудзæн Дзæуджыхъæуы Доны станцæйы, сæрдмæ хæстæгдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv