Бирæфатерон кæлæддзаг хæдзары цæрджытæ Тельмæны номыл уынджы райстой ног фатертæ

Бирæфатерон кæлæддзаг хæдзары цæрджытæ Тельмæны номыл уынджы райстой ног фатертæ. Хæдзар банымадтой цӕрынмӕ нӕбӕззоныл 2017 азы. 2018 азы 10 бинонтæ ракодтой ног цæрæнуæттæм. Цы 30 фатеры ма дзы баззад, уыдонæн ныфс æвæрдтой ног фатер æрмæст 2023 азы раттынӕй. Уавæр йæ бынатæй сæнкъуысыд, хæдзары цæрджытæй иу комкоммæ эфиры регионы разамонæгмæ курдиат куы бахаста, уæд. Сергей Меняйло дзуапдæттæг кусджытæн бабар кодта адæмы хæстæгдæр рæстæг аварийон бæстыхайæ ракæнын ног цæрæнбынæттæм. Æдæппæтæй 2022-2023 азты кæлæддзаг хæдзæрттæй ногтæм раивдзысты 700 адæймаджы. Æхцайы фæрæзтæ хардзгонд æрцæудзæн 543 млн сомы бæрц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv