Фæлхасгæнджытæм цæстдарды управлени бæрæг кæны дуканиты куыст

Уæрæсейы фæлхасгæнджытæм цæстдарды управлени бæрæг кæны дуканиты куыст. Ныридæгæн дæр хъуамæ æххæст кæной санитарон-эпидемиологон домæнтæ. Æрмæст дуканиты кусджытæ нæ, фæлæ ма æлхæнджытæ дæр бæстыхаймæ бахизгæйæ, хъуамæ уой медицинон маскæты. Абон Доваторы номыл уынджы цы базарадон объекттæ ис, уыдоныл æрзылдысты. Фондз дуканийæ дыууæмæ раиртæстой аиппытææ. Нæ сæм уыд медицинон маскæтæ, сæрмагонд таддзаг къухтæ сæрфынмæ. Уымæй уæлдай ма, буары тæвд сбарынæн сæрмагонд журнал. Ирина Павлович дуканийы рагæй кусы. Йæ бон райдайы тæрхæджытæ дезинфекци кæнынæй. Куыд нын радзырдта, афтæмæй коронавирусы низ куы апарахат, уæдæй фæстæмæ хъуыды кæны адæмы æдасдзинадыл. Фидараты Мирæ дæр дуканийы кусгæйæ æххæст кæны æппæт амынддзинæдтæ. Уымæй уæлдай ма, йæ ныхæстæм гæсгæ, кæд коронавирусы низ уыйас парахат нал кæны, уæддæр хъæуы хи бахъахъхъæнын. Æмæ адæмæй дæр уый домы. Алы бон дæр Уæрæсейы фæлхасгæнджытæм цæстдарды управлени зилы дуканитыл, бæрæг кæны, кусджытæ куыд æххæст кæнынц коронавирусы ныхмæ тох кæныны амынддзинæдтæ. Доваторы номыл уынджы фондз дуканийыл æрзылдысты æмæ дзы аипдзинæдтæ раиртæстой æрмæст дыууæ дуканийы. Ахæм мадзæлттæ арæзт цæуынц Республикæйы сæргълæууæг Битарты Вячеславы хъæппæрисæй. Цалынмæ низ кæронмæ нæ фесæфт, уæдмæ Уæрæсейы фæлхасгæнджытæм цæстдарды управлени дуканиты куыст бæрæг кæндзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv