Цæгат Ирыстон æмæ Челябинскы филармониты разамонджытӕ бафыстой ӕмгуыстады бадзырд

Цæгат Ирыстон æмæ Челябинскы облӕсты паддзахадон филармониты разамонджытӕ бафыстой ӕмгуыстады бадзырд. Республикæйы Культурæйы министрадæй куыд хъусын кæнынц, афтæмæй дыууӕ регионы аивадон-музыкалон ведомствӕтӕ бакусдзысты иумӕйаг сфӕлдыстадон ӕмӕ концертон проекттыл. Æмгуыстады бадзырды бындурыл Цӕгат Ирыстоны паддзахадон филармонийы аивадон разамонӕг Магкоты Ацӕмӕзы концерт ацæудзæн Челябинскы. Ныридæгæн дыууӕ филармонийы минӕвӕрттӕ уыцы концерт бацӕттӕ кӕныныл кусынц. Бафтаудзыстæм ма уый, æмæ ахæм бадзырд филармони бафыста Новосибирскы паддзахадон филармониимӕ дӕр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv