Цæгат Ирыстоны мидхъуыддæгты министрады 2020 æм азы 6 мæйы æмгъуыдæн куысты хатдзæгтæ скодтой

Цæгат Ирыстоны мидхъуыддæгты министрады 2020-æм азы 6 мæйы æмгъуыдæн куысты хатдзæгтæ скодтой. Сæрмагонд æмбырдæн разамынд лæвæрдта инæлар-лейтенант Михаил Скоков. Æрдзырдтой аиуварсгæнинаг фарстатыл. Оперативон архайды хатдзæгты тыххæй радзырдта республикæйы мидхъуыддæгты министры хæдивæг, пъæлицæйы булкъон Петр Вагин. Куыд фæнысан кодта, афтæмæй бæрæггонд рæстæджы æмгъуыдмæ фыдракæндты нымæц фæкъаддæр. Уый фарон азимæ абаргæйæ. Бæлвырддæр дзургæйæ та 29, 5%. 6 мæйы æмгъуыдмæ пъæлицæйы кусджытæ фыдракæндтæн раргом кодтой сæ 80%. Уыимæ ма фæкъаддæр сты давдимæ баст цаутæ. Цæстфæлдахджытимæ баст закъонхæлдтытæ дæр раргом кодтой, фæлæ сæ нымæц рæзы. Михаил Скоков бабар кодта, цæмæй ацы фарстамæ уæлдай æргом здæхт æрцæуа. Аразой фылдæр профилактикон мадзæлттæ æмæ цæрджытæн æмбарын кæной, цæстфæлдахджытæй хи куыд бахъахъхъæнæн ис, уый. Пъæлицæйæгтæй куысты чи фесгуыхт, уыдоны схорзæджын кодтой хæрзиуджытæй, кады гæхæттытæй æмæ арфæйы фыстæджытæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv