Æппæтуæрæсеон адæмон фронты фæсивæд архайы иумæйаг акци «Тележка Добра» йы

Æппæтуæрæсеон адæмон фронты фæсивæд архайы иумæйаг акци «Тележка Добра»-йы. Сæрмагонд бокстæ сæвæрдтой Дзæуджыхъæуы æртæ стыр дуканийы. Кæй фæнды, уыдонæн фадат ис уыцы ран хойрæгтæ ныууадзын. Ахсджиаг у, цæмæй уой, тагъд чи нæ сæфы, ахæм хойрæгтæ. Зæгъæм, макъаронтæ, печенитæ, дыргътæ æмæ халсартæ. Уыдонæй активисттæ скæндзысты хойрæгты чыргъæдтæ æмæ сæ фæхæццæ кæндзысты æххуысхьуаг адæмæн. Ныртæккæ активисттæ аразынц, фæкæсын кæмæ хъæуы, уыцы адæмы номхыгъд. Ахæм хыгъдмæ бахаудзысты. Æппæтуæрæсеон адæмон фронты сайты курдиæттæ чи ныууагъта, уыдон. Сæ ныхæстæм гæсгæ, ахæм адæмы нымæц у цалдæр сæдæйæ фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv