Премьер Тускъаты Таймуразæн уыд куыстадон фембæлд физкультурæ æмæ спорты министр Хуыгаты Аланимæ

Хицауады сæрдар Тускъаты Таймуразæн уыд куысгæ фембæлд Цæгат Ирыстоны физкультурæ æмæ спорты министр Хуыгаты Аланимæ. Видеобастдзинады фæрцы æрдзыдтой республикæйы спортивон авналæнтæ фæуæрæхдæр кæнынæн арæзт проекттыл. Хуыгаты Аланы ныхæстæм гæсгæ фарон цæгатирыстойнаг спортсментæ алыхуызон спорты хуызтæй рамбылдтой 300 майданæй фылдæр, Уæрæсейы спорты дæснытæ систы 40 адæймаджы, спорты æппæтдунеон дæснытæ æмвæзадмæ та схызтысты 17-æй. Æнтыстджынæй архайынц, йе 'нæниздзинад цудыд кæмæн у, уыцы атлеттæ. Æппæты хуыздæр бæрæггæнæнтæ æвдисынц уæгъдибар хъæбысхæстæй, футбол, рог æмæ уæззау атлетикæ, пауэлифтинг, къуххæст æмæ тхэквондойæ. Æмбырды рæстæг æрныхас кодтой спортивон инфраструктурæйы уавæрыл. Кæронмæ æрхæццæ 11 бирæвæрсыг хъазæн фæзуаты арæзтад. Куыстытæ ма дарддæр цæуынц Алагиры, Црауы æмæ Предгорное хъæуы. Спортивон хъæбысхӕстæй тренировкæгæнæн центры арæзтад дæр дарддæр цæуы Дзæуджыхъæуы. Премьеры ныхæстæм гæсгæ, уæлдай æргом аздахын хъæуы Олимпаг хъæзтытæм цæттæгæнæн мадзæлттæм. Хуыгаты Алан куыд фæнысан кодта, афтæмæй республикæйы уымæн арæзт ис æппæт фадæттæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv