Уæрæсейы ног регионты экономикæйы райрæзтыл архайынц: Херсоны облæсты байгом кодтой центр "Мой бизне

Уæрæсейы ног регионты экономикæйы райрæзтыл архайынц: Херсоны облæсты байгом кодтой центр "Мой бизнес". Хæрз æрæджы республикæйы сргълæууæг йæ телеграмм-каналы радзырдта, бæстæйы экономикæйы райрæзты министрады амынддзинадмæ гæсгæ цæгатирыстойнаг специалисттæ Скадовскы кӕй байгом кодтой центр. Амалхъомы райрæзтæн дзы сарæзтой æппæт гæнæнтæ: кæнынц сын æмбæлгæ æххуыс, цы фарстатæ сæм сæвзæры, уыдон аиуварс кæнынмæ сæм фæкæсынц. Ныр та ма сæ бон у æфстау æхца райсын - Гарантиты фонды æмæ чысыл финансон æххуысы фонды. Æфстау æхца раттынц æппын фылдæр 7,5% ставкæимæ, снысан æй кæнынц, амалхъом адæймаг цавæр къабазы архайы, уымæ гӕсгӕ. Центр куы скуыста, уæдæй абонмӕ райстой 150 курдиатæй фылдæр.