Горæтгæрон районы æрыгон армионтæ ацыдысты сæрмагонд ахуыртæ

Фыццаг æххуыс бакæнын, рæнхъыты иттæг хорз цæуын æмæ ма сфæлдыстады дæр хи фæлтæрын. Ахæм зонындзиндзинæдтæ ис Горæтгæрон районы æрыгон армионтæм. Алы лæппу дæр йæ ахуырмæ куыдфæндыйы цæстæй нæ кæсы æмæ уый тыххæй сæ архайдæн ис тынг хорз хатдзæгтæ. Дзæдзойты Фатимæ радзурдзæн æвзонг фæсивæды тыххæй. Цæрдæг, арæхстджын æмæ райгуырæн бæстæйыл æнувыд фæсивæд хъомыл кæнынц Горæтгæрон районы æрыгон армионты штабы. Бахъуаджы сахат се ’ххуыс кæй хъæуы, уый фарсмæ æрбалæууынмæ кæддæриддæр сты цæттæ. Зæрдæргъæвдæй архайынц сæ физикон æмæ тактикон цæттæдзинадыл дæр. Арæхсынц хæцæнгарз райхалын æмæ сæмбырд кæнынмæ, рæгътæй раст æрцæуынмæ. Бететы Аланæ æрыгон æфсæддонты рæнхъыты ис ныр æртæ азы дæргъы. Уыцы рæстæгмæ æфсæддон службæйы æппæт домæнтæ дæр базыдта. Ам стыр æргом здахынц сфæлдыстадон хъомыладмæ дæр. Æрыгон æфсæддонтæн ис сæхи зарæггæнджыты хор. Уымæй уæлдай фæсивæд дæсны сты спортæй архайынмæ. Сæ волейболон командæ «Горянка» æппынæдзух архайы алыхуызон чемпионатты. Штаб бонæй бонмæ фæсивæды тынгдæр цымыдис кæны æмæ та æрыгон патриотты рæнхъытæ баххæст вæййынц ног æфсæддонтæй. Адæймагæн фыццаг медицинон æххуыс раст куыд бакæнын хъæуы æнæхъæлæджы уавæрты рæстæг, уый тыххæй æппæт зонындзинæдтæ фæсивæд æвдисынц практикон æгъдауæй. Ахуырты фæлгæты бакусынц къуххæсты арæхстдзинадыл дæр. Штабы хъомылгæнинæгтæн ацы ахуыртæ пайда уыдзысты сæ дарддæры царды. Æрыгон армионты змæлдæн ацы аз у юбилеон. Æххæст сыл кæны 5 азы. Цы æнтыстдзинæдтæ сæм ис, уыдон сты бæллиццаг. Уый ты ууыл дзурæг у, æмæ æрыгон патриоттæ раст фæндыг кæй равзæрстой царды. Дзæдзойты Фатимæ, Гæззаты Зæринæ, Каджаты Алыксандр. Ирыстон хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv