Сæрмагонд æмбырды дзырдтой «Хуыздæр муниципалон практикæ» йы конкурсы мадзæлттыл

Тымбыл стъолы æмбырды Æрыдоны районы дзырдтой «Хуыздæр муниципалон практикæ-2021» æппæтуæрæсеон конкурсыл. Ныхас цæуы «Нациты 'хсæн сабырдзинад æмæ хæлардзинад байтауыны мадзæлтты» номинацийыл. Æмбырд расидт национ ахастдзинæдты фæдыл минстры хæстæ рæстæгмæ æххæстгæнæг Цуциты Аслан. Йæ фæлгæты ныхас кодтой конкурсы æууæлтыл æмæ презентацитыл. Арæзт у дыууæ къæпхæнæй: регионалон æмæ федералон. Мадзалы сæйраг хæс - хуыздæр муниципалон практикæ рабæрæг кæнын. Конкурсы ис цалдæр номинацийы. Бацархыйын фадат дзы ис куыд хъæутæн, афтæ горæттæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv