Дзæуджыхъæуы уынгты адæмы удæнцойæн фæзындысты ног евроконтейнертæ

Дзæуджыхъæуы уынгты адæмы удæнцойæн фæзындысты ног евроконтейнертæ. Дзуапп дæттынц æппæт санитарон домæнтæн дæр. Уæдæ горæты коммуналон службæтæн дæр контейнерты фæрцы сæ куыст фæрогдæр. Сыгъдæгдзинадыл æмæ аивдзинадыл кусгæйæ, Дзæуджыхъæуы уынгты фæзындысты бырон æмбырдгæнæн ног контейнертæ. Евроконтейнертæ кæй хоныц, уыдон ныртæккæ æвæрынц горæты уынгты. «Ацы контейнертæ Дзæуджыхъæуы Ирыстойнаг районы æрæджы сæвæрдтам. Бирæ хуыздæр сты. Дзуапп дæттынц æппæт санитарон домæнтæн дæр. Сæ сæртæ сты æхгæд. Дымгæ бырон нæ пырх кæны», - Дзæуджыхъæуы Ирыстойнаг районы санитарон хайады разамонæг Кодзырты Олег. Евроконтейнертæй пайда кæнын у æнцон. Сты рог, ис сыл цæлхытæ, уымæ гæсгæ сæ ис иу бынатæй иннæмæ атулæн. «Æдæппæтæй сæвæрдтам 121 евроконтейнеры. 20 дзы лæууынц нæ республикæйы медицинон кусæндæтты кæртыты. Зæронд бырондæттæ се 'ппæт дæр «Спецэкосервис»-ы фæрцы ногтыл ивд æрцыдысты», - Дзæуджыхъæуы Ирыстойнаг районы санитарон хайады разамонæг Кодзырты Олег. Ахæм евроконтейнертæ фæзындысты 15 азы размæ. Дзæуджыхъæуы коммуналон службæты кусджытæ дæр сæ разыйæ баззадысты. Ныр ма уал сæ сæвæрдтой Дзæуджыхъæуы Ирыстойнаг районы 'рдыгæй. Контейнертæ конд сты полиэтиленæй. Ацы æрмæгæй бирæ æнцондæр пайда кæнæн у. Уæдæ контейнертæ сæхгæныны фадат кæй ис, уымæ гæсгæ сæ раз уыдзæн сыгъдæгдæр. Аида Кутарова _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv