Базарадон-экономикон техникумы студенттæ арфæ ракодтой сæ ахуыргæнджытæн

Дзæуджыхъæуы базарадон-экономикон техникумы студенттæ-бархионтæ арфæ ракодтой сæ ахуыргæнджытæн ацæргæ адæймаджы æппæтдунеон боны фæдыл. Арфæйы ныхæстимæ фæлтæрдджын ахуыргæнджытæн балæвар кодтой дидинджытæ. Студенттæ-иу бацыдысты урочы астæу æмæ-иу дисы бафтыдтой се `рхъуыдыдзинадæй. Ахæм акци арæзт цæуы æрвылаз. Йæ сæйраг хæс у хистæр кары адæмы ма рох кæнын æмæ бахъуаджы рæстæг сæ фарсмæ æрбалæууын. Æппæтадæмон æмвæзадыл ацы бон бæрæг кæнын райдыдтой 1991-æм азæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv