Фæлхасгæнджытæм цæстдарды службæйы кусджытæ курынц, 60 азæй фылдæр кæуыл цæуы, уыцы адæймæгтæй

Уæрæсейы фæлхасгæнджытæм цæстдарды службæйы кусджытæ курынц, 60 азæй фылдæр кæуыл цæуы, уыцы адæймæгтæй, цæмæй дуканитæм, бирæвæрсыг центртæм æмæ банктæм ма цæуой. Куыд зæгъынц, афтæмæй ныртæкæйы эпидемиологон уавæр хынцгæйæ, уæлдай тæссаг у карджын адæмæн. Зæрдыл лæууын кæнынц маскæтæ дарын нырмæ дæр ахсджиаг кæй у, стæй æнæмæнг къухтæ сапонимæ æхсын кæй хъæуы, уый дæр. Æххуыс та бацагурын хъæуы хиуæттæй, кæнæ социалон службæйы кусджытæй. Уыдон фæкæсдзысты коммуналон лæггæдæн бафидыны хъуыддаджы æмæ хойрæгтæ балхæнынмæ. Цæгат Ирыстоны 4-æм октябры онг йæ тыхы уыдзæн республикæйы сæргълæууæджы уынаффæ – 65 азæй фылдæр кæуыл цæуы, уыйдоны хиипæрддзинады фæткы тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv