Сергей Меняйло социалон кусджытæн сæ профессионалон бæрæгбоны фæдыл арфæ ракодта

8 июны сæ профессионалон бæрæгбон сбæрæг кодтой социалон кусджытæ. Кæддæриддæр цæттæ сты баххуыс кæнынмæ. Ацæргæ адæмæй, иунæгæй чи баззад, стæй се нæниздзинад хъыгдæрд кæмæн у, уыдоны фарсмæ æрбалæууынц. Абон къабазы специалисттæн арфæйы ныхæстæ ракодта республикæйы сæргълæууæджы хæстæ рæстæгмæ æххæстгæнæг Сергей Меняйло. Фæнысан кодта, сæ куыст ахсджиаг æмæ хъæугæ кæй у. Загъта сын бузныг, æвæллайгæйæ кæй здахынц се ’ргом фæкæсинаг адæммæ. Регионы цæрджытæн социалон æххуысы къабазмæ стыр æвæрæн чи бахаста, уыцы кусджыты Сергей Меняйло схорзæх кодта кады гæххæтытæй. 8 адæймагæн саккаг кодтой къабазы сгуыхт кусæджы ном. Уазджытæн ма бацæттæ кодтой хъæлдзæг концертон программæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv