Цæгат Ирыстоны ивгъуыд азы сцалцæг кодтой, регионалон æмæ бынæттон нысаниуæг кæмæн ис, ахæм фæндæгты

Цæгат Ирыстоны ивгъуыд азы сцалцæг кодтой, регионалон æмæ бынæттон нысаниуæг кæмæн ис, ахæм фæндæгты 90 км. Уый тыххæй фехъусын кодтой премьер Тускъаты Таймураз æмæ фæндæгты хæдзарады сæрдар Солиты Тариел сæ фембæлды рæстæг. Республикæйы районты сног кодтой уынгты æмæ фæндаггон хызæгты 113 км. Федералон фæрæзты руаджы райдыдта Мамысонмæ цæуæг тоннелы рацарæзт. «Красногор-Николаевская» æмæ «Архонкæ-БМК-Хуымæллæг» фæндаджы уадздзæгтыл дæр хидтæ цалцæг кæнынц. Куыстытæ кæронмæ фæуыдзысты ацы аз. Автомобилон фæндаг «Кавказ-Хурыхъæу-Мæлгъæвæг-Мæздæг» фæндаджы рацарæзт кæронмæ æрхæццæ. Йæ дæргъ у 50 километрæй фылдæр. Уый фæрцы Мæздæджы районы бастдзинад нæ республикæйы иннæ районтимæ фæхъæддыхдæр уыдзæн. Ног фæндаг сахаддзæн экономикон къабазыл дæр. Уымæй уæлдай регионалон фæндæгтыл байгом кодтой æртæ ног хиды. Иу - Камбилеевкæйы цæугæдоны сæрты, иннæ дыууæ та - Октябрьскæйæ Тарскæмæ фæндагыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv