Цæгат Ирыстоны хицауады æмбырды æрныхас кодтой социалон æмæ экономикон фарстатыл

Æнæкоммерцион куыстуæтты бон уыдзæн субсидитæ бахардз кæнын коронавирусы ныхмæ мадзæлттыл. Уый тыххæй республикæйы хицауады æмбырды фехъусын кодта экономикон райрæзты министр Томайты Хъазыбег. Æмбæлгæ ивддзинæдтæ бахæссыны фæдыл хъæппæрис рахастой æмбырды. Фæрæзты руаджы фадат уыдзæн, коронавирусæй уæззау рынчын чи уыд, уыцы æххуысцух адæммæ æргом аздахын, баххуыс сын кæнын. Ныхас ма цыд культурæйы къабазы ивддзинæдтыл. Афтæмæй, Цæгат Ирыстоны культурæйы министры хæдивæгæй снысан кодтой Дзлиаты Дзерассæйы. Уыимæ ма, хицауады уæнгтæ æрныхас кодтой паддзахадон программæйыл. Уæрæсейы хицауады фæстауæрцгæнæн фондæй республикон бюджетæн радих кæндзысты 200 милуан сомы. Бахардз сæ кæндзысты федералон трассæ Транскамы тъунелы цалцæггæнæн куыстытыл. Уымæй уæлдай ма, кæронмæ ахæццæ кæндзысты Дæллаг Зæрæмæгæй Мамысонмæ фæндаджы арæзтад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv