Санкт Петербургы дарддæр цæуы æппæтдунеон экономикон форум

Санкт-Петербургы дарддæр цæуы æппæтдунеон экономикон форум. Йæ архайджыты 'хсæн - Цæгат Ирыстоны делегаци дæр. Минæвæртты сæргъы регионы разамонæг - Сергей Меняйло. Ныридæгæн Цæгат Ирыстон æмгуыстады бадзырд бафыста Новосибирсы облæстимæ. Сæрмагонд гæххæты сæ къухтæ æрфыстой Сергей Меняйло æмæ Новосибирскы облæсты губернатор Андрей Травников. Сергей Меняйло куыд фæнысан кодта, афтæмæй бадзырды руаджы дыууæ регионы æмгуыстады гæнæнтæ фæуæрхдæр уыдзысты. Уымæй уæлдай ма Цæгат Ирыстон бадзырд бафыссдзæн фонд Росконгрессимæ. Уæрæсейы субъектты экономикон æмгуыстады ассоциаци «Сибирское соглашение» -имæ, стæй ног проектты рæзты стратегион хъæппæристы агентадимæ. Сергей Меняйло ма архайдзæн Уæрæсейы паддзахадон Советы къамисы æмбырды. Ныхас дзы цæудзæн экономикæйы къабазыл. Пленарон æмбырды уыдзæн бæстæйы президент Владимир Путин. Форум нымад у Уæрæсейы сæйраг экономикон мадзалыл. Аразынц æй 1997 азæй нырмæ. Ацы аз цæуы центр «Экспофорум»-ы. Йæ уазджытæ сты - бæстæты æмæ регионты сæргълæуджытæ, вице-премьертæ, министртæ, хицауадты разамонджытæ, Уæрæсе æмæ фæсарæнты егъаудæр куыстуæтты сæргълæуджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv