Хæххон аграрон паддзахадон институты 15 азы куыстæн хатдзæгтæ скодтой

15 азы дæргъы бæлвырд рæзт. Хæххон-аграрон университеты фæстаг азты куыстæн хатдзæгтæ скодтой, уыимæ фидæнмæ пълæнттæ снысан кодтой. 2006-æм азæй фæстæмæ паддзахадон ахуыргæнæндоны сног кодтой материалон-техникон кусæнгарз, бындуронæй бакуыстой наукон къабазыл. Бюджетон æмæ æнæбюджетон фæрæзтæй уыцы хъуыддагæн фæстаг азты рахай кодтой 183 милуан сомæй фылдæр. Республикæйы бюджетæй университетæн æхæм фæрæзтæ æрвыст æрцыд дыууæ хатты фылдæр. Уый 15 азы размæйы уавæримæ абаргæйæ. Æнæбюджетон æхцайы фæрæзтæ куы райсæм, уæд сæ нымæцыл бафтыд æртæ хатты. Ахуырадон процессы специалисттæ пайда кæнынц нырыккон технологитæй. Студентты практикæмæ æмæ ахуыргæнджыты цæттæдзинадмæ здæхт цæуы уæлдай æргом. Хæххон-аграрон университеты кусджыты ныхæстæм гæсгæ, уæлдæр ахуыргæнæндоны рæзтмæ стыр æвæрæн бахаста ректор Темыраты Виктор. Уæлдæр ахуыргæнæндоны ректор сси 2006-æм азы. 2005-æм азы бахъахъхъæдта докторы диссертаци. Æртæ азы фæстæ та сси разамынд дæттæн æмæ маркетингы кафедрæйы профессор. Куыста ахсджиаг паддзахадон бынæтты. Уый руаджы, йæ рæстæджы хъæууон-хæдзарады министр уæвгæйæ, иуæй-иу къабæзты продукцийы нымæц дыууæ хатты фæфылдæр. Темыраты Виктор хорзæхджынгонд у паддзахадон хæрзиуджытæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv