Бæлццæттæ ласæн компанитæй, сантиарон домæнтæ чи не `ххæст кæна, уыдоны ивар кæндзысты

Цæгат Ирыстоны промышленность æмæ транспорты министрады куыд фехъусын кодтой, афтæмæй ныридæгæн фæивар кодтой æхсæнадон транспорты 100 шофыры. Хъуыддæгтæм æркæсдзысты тæрхондоны æмæ уым уынаффæтæ рахæсдзысты. Профилон министрад æппынæдзух уавæр бæрæг кæны. Эпидемиологон уавæр хынцгæйæ, санитарон домæнтæм ныртæккæ нæ республикæйы уæлдай цæстдард цæуы. Дуканиты, базарадон центрты, æхсæнадон бынæтты æмæ транспорты вирусон инфекци æнцондæрæй парахат кæны. Уый тыххæй Цæгат Ирыстоны транспорты æмæ промышленносты министрад цæрджыты зæрдыл лæууын кæны, низ ма ’руадзыны тыххæй æмбæлгæ фæтк æппæт æхсæнадон транспорты дæр æнæмæнг æххæст кæнын кæй хъæуы, уый. Цæрджытæ, транспорты цæугæйæ æмæ æндæр æхсæнадон бынæтты уæвгæйæ, хъуамæ пайда кæной хихъахъхъæнæн сæрмагонд фæрæзтæй. Æхсæнадон транспорты шофыртæ хъуамæ бахъуаджы рæстæг бæлццæттæн маскæтæ дæттой лæвар. Фæткхалæг бæлццæтты æмæ бæлццæттæ ласæг компанитæ æфхæрд цæудзысты административон æгъдауæй. Бæрнон ведомствæты специалисттæ аразынц профилактикон рейдтæ. Ныхас кæнынц шофыртимæ æмæ бæлццæттимæ дæр. Æхсæнадон транспорты куыст ныридæгæн у фæткмæ гæсгæ. Транспорт æмæ промышленносты министрады дарддæр дæр сæ хъус дардзысты, санитарон домæнтæ æмæ æндæр профилактикон уагæвæрдтæ æхсæнадон транспорты бæстон æххæстгонд цæуынц æви нæ, уымæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv