Хуссар æфсæддон зылды службæгæнджытæ схызтысты Хъазыбеджы хохмæ

Хуссар æфсæддон зылды службæгæнджытæ схызтысты Хъазыбеджы хохы цъуппмæ. Хæххон балцы араст сты сæрмагонд дæлхайады 20 кусæджы. Æфсæддон альпинисттæ сæ фæндаг ракодтой Хъæрмæдоны заставæйæ. Гæрзифтонг тыхты минæвæрттæ 5 мин метры бæрзæндмæ ссыдысты агурæн экспедицийы фæлгæты. Бынаты æркастысты æмæ раиртæстой, Советон хæстонтæ кæуылты цыдысты, уыцы балцвæдтæ. Гæнæн ис, æмæ ацы рæн экспедициты руаджы сбæрæг уой Фыдыбæстæйы стыр хæсты амæттæгты стæгдартæ æмæ, куыд æмбæлы, афтæ ныгæ æрцæуой. Зæгъын хъæуы уый, æмæ, уыцы маршруттæй пайдагæнгæйæ, немыцæгтæ 1942-æм азы фæнд кодтой Фæскавказмæ бахизын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv