Газификацийы фарстатыл куыстадон фембæлды æрныхас кодтой Битарты Вячеслав æмæ Хъодзаты Алан

Газификацийы фарстатыл куыстадон фембæлды æрныхас кодтой республикæйы сæргълæууæг Битарты Вячеслав æмæ «Газпром межрегионгаз Дзæуджыхъæу»-ы разамонæг Хъодзаты Алан. Хицауадимæ æмгуыст кæнгæйæ, компани стыр бавæрæн хæссы Цæгат Ирыстоны экономикæйы рæзтмæ - фæнысан кодта Битарты Вячеслав. Бюджетон куыстуæтты лæггæдтæн фидыны хъуыддаджы нæ республикæ у раззагдæрты `хсæн. Уый тыххæй компанийы генералон директор республикæйы сæргълæууæгæй фæбузныг. Коронавирусы пандемийæйы рæстæг, Хъодзаты Аланы ныхæстæм гæсгæ, æппæт структурæтæ дæр куыстой уæлдай фылдæр. Республикæйы сæргълæууæджы уынаффæмæ гæсгæ компани уыцы æмгъуыдмæ бардзырдтæ бафыста чысыл æмæ рæстæмбис амалхъомады минæвæрттимæ. Бæрнон кусджытæ æрныхас кодтой зымæгон-фæззыгон рæстæгмæ цæттæгæнæн куыстытыл. Генералон директоры ныхæстæм гæсгæ, «Газпром межрегионгаз Дзæуджыхъæу»-ы æрвылазон куыстытæ цæуынц пъланмæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv